港东港西:立法会今举行以“回归与展望”为题展览

来源: 大公网 
港东港西:立法会今举行以“回归与展望”为题展览

[导读]适逢香港回归20周年,立法会由今日起举行以“回顾与展望”为题嘅展览,同市民分享立法会回归20年以来嘅工作,展览喺立法会综合大楼地下大堂及图书馆展出,展期去到7月31日。

(原标题:港东港西:立法会举行“回归与展望”展览)

大公网讯 适逢香港回归20周年,立法会由今日起举行以“回顾与展望”为题嘅展览,同市民分享立法会回归20年以来嘅工作,展览喺立法会综合大楼地下大堂及图书馆展出,展期去到7月31日。

图书馆内有好多由各国议会、政府交流时送赠嘅纪念品,好似由最高法送赠嘅中国古代青铜器“朕匜”仿制品,立法会主席梁君彦话呢个系中国第一份最完整嘅判决书,别具意思。图书馆内亦摆放咗临立会会议纪要同97年回归当日三读通过第一个法案会议过程正式纪录嘅真品,可以话系立法会一直以嚟其中最重要嘅文件!

除咗以上展品,展览亦准备咗唔少互动展品,好似介绍历任议员嘅电子展版、亦有俾参观者听声估下边一位议员发言嘅游戏。大堂上仲有一棵“花树”艺术装置,代表立法会聆听市民意见。参观者可以由15个品德中拣出1个最希望立法会做到嘅,挂喺“花树”上面。梁君彦就话自己作为主席拣咗尽忠职守畀自己,至于拣咩畀各位议员,佢话:“如果议员做晒15样,满分就最好喇。”

责任编辑:李梦怡