陈茂波自比“丙组队”爆冷 寄语学子永不放弃

来源: 大公网  作者: 龚学鸣

[导读]上星期三系文凭试发榜日,考得好嘅同学仔,梗系要恭喜,但系考得不符合自己预期嘅同学仔,千祈唔好灰心。财爷陈茂波16撰写网志,分享一个励志故事俾市民听听。

(原标题:陈茂波自比“丙组队”爆冷 寄语年轻人永不放弃)

大公网7月16日讯(记者 龚学鸣)上星期三系文凭试发榜日,考得好嘅同学仔,梗系要恭喜,但系考得不符合自己预期嘅同学仔,千祈唔好灰心。财爷陈茂波16撰写网志,分享一个励志故事俾市民听听。话说几十年前,财爷同其他同学一样都系基层出身,不过入学成绩都麻麻地,不过佢哋就因此发奋向上。

到咗考大学嗰年,因为屋企地方窄,图书馆又难搵位,于是财爷偷偷地同几个同学仔系夜晚返去学校温书,之后更系学校留宿。好彩老师知道佢哋品行好,无阻止到,最终努力无白费。嗰一届连埋财爷,有廿几个人入到中大,就好似“丙组队”爆冷踢出好成绩咁样。

财爷又话,发榜之前都有返自己母校培圣中学同师弟妹分享,被问到点样面对挫折后重新起步,财爷就话,学会了在祈祷里将困难和重担交托,跟从上帝嘅带领。家人和朋友的关心和支持都非常重要。就好似文凭试,无论成绩点样,只是漫漫人生路上嘅一个关口,都唔足以代表日后嘅发展和成就。希望同学仔唔好轻言放弃,追寻理想要有决心和勇气,只要努力坚持,一定可以为自己人生谱写最灿烂嘅新篇章。

责任编辑:李梦怡